Akenshi abakinnyi b’umupira w’amaguru bakunze kugaragara bambaye amasogisi acitse inyuma igihe bari mu kibuga bakina. Aba barimo n’abakinnyi b’Abongereza Jude Bellingham na Bukayo Saka bagaragara baciye amasogisi inyuma mu mikino y’igikombe cya Euro 2024.
Aba bakinnyi bavuga ko babikora mu rwego rwo kugabanya igitutu (pressure) ku mitsi, kugirago amaraso atembere neza mu birenge igihe bari mu kibunga no kugira ngo amaguru ahumeke neza.
Gusa ibi ntibabivugaho rumwe na Gary Neville, umunyamakuru wa Sky Sports, wigeze no kuba umukinnyi mu ikipe ya Manchester United.
Mu kiganiro cyatambutse kuri Sky Sports kuri iki cyumweru tariki ya 17 Ugushyingo 2024, Gary Neville yavuze ko atemera ibikorwa n’aba bakinnyi kuko ngo kubona umukinnyi wambaye amasogisi aciye inyuma bisa nabi bigatuma imyambarire yabo yibazwaho na benshi.
Yakomeje yibaza impamvu ibigo bikora amasogisi nka ADIDAS na NIKE bitakora amasogisi manini ahagije, aho guca imyenge.
