Ikipe y’Abagabo ya kaminuza ya East African University of Rwanda ikina umukino wa Volleyball, EAUR VC ntiyahiriwe n’umukino wo ku munsi wa gatatu wa Shampiyona y’u Rwanda aho yatsinzwe na REG VC amaseti 3-0 ku munsi mu mukino wabaye kuri uyu wa Gatandatu tariki 16 Ugushyingo i Gisagara mu karere ka Huye intara y’Amajyepfo.
EAUR VC yari Iherutse kwihererana Gisagara VC ikayitsinda amaseti 3-1 ku munsi wa kabiri wa shampiyona, yatsinzwe irushwa na REG VC n’ubwo yahabwaga amahirwe yo gutsinda uyu mukino.
Iseti ya mbere REG VC yayitwaye itsinze EAUR VC amanota 25-20, yongera gutwara iseti ya kabiri itsinze amanota 25-20 naho iseti ya gatatu yayitwaye ku manota 25-15, umukino urangira ari amaseti 3-0 ya REG VC.
Mu mikino itatu EAUR VC itozwa na Dusabimana Vincent uzwi nka Gasongo imaze gukina muri shampiyona, yatsinze imikino ibiri, itsindwa umukino umwe.
Umunsi wa Gatatu wa Shampiyona ya volleyball mu Bagabo no mu Bagore yatangiye kuri uyu wa Gatanu tariki 15 Ugushyingo 2024 mu nzu y’imikino y’akarere ka Gisagara (Gisagara Gymnasium). Ku munsi wa kane wa shampiyona, EAUR VC izakina na Kepler VC.
