Yanditswe na Leandre Abizeye

Amavubi yatsinze Cape Verde ibitego 2-1 mu mukino wabereye i Praia kuri uyu wa Kabiri, tariki ya 29 Nzeri 2026, akomeza gutangira neza imikino yo gushaka itike y’Igikombe cya Afurika cya 2027.

Cape Verde yafunguye amazamu ku munota wa 40, ubwo Gilson Tavares yatsindaga igitego. Claude Niyomugabo yahise yishyura icyo gitego ku munota wa 45+2, amakipe ajya kuruhuka anganya 1-1.

Mu gice cya kabiri, Elie Tatou Iradukunda yatsinze igitego cya kabiri cy’u Rwanda ku munota wa 52, ahesha Amavubi intsinzi ya kabiri yikurikiranya.

Iyi ntsinzi yahaye u Rwanda amanota atandatu mu mikino ibiri, bituma ruyobora by’agateganyo Itsinda K, mu gihe Mali na Liberia bari butandukanye nyuma kuri uyu wa Kabiri.

Cape Verde yari ifite umupira ku kigero cya 70% ndetse yateye amashoti 19, mu gihe u Rwanda rwateye atandatu, ariko Amavubi akoresha neza amahirwe yabonetse.

Rwanda yatangiye iyi mikino itsinda Liberia ibitego 3-1 i Stade Amahoro.