Leta Zunze Ubumwe z’Amerika n’u Bushinwa bemeranyije kugabanya imisoro ku bicuruzwa byinjira ahagati y’ibihugu byombi nyuma y’iminsi bari mu ntambara mu by’ubucuruzi.
Ibicuruzwa biva mu Bushinwa byoherezwa muri Amerika byagabanyirijwe umusoro wa 30%, naho ibicuruzwa byoherezwa mu Bushinwa biva muri Amerika bigabanyirizwa umusoro wa 10%, nk’uko impande zombi zabitangaje mu itangazo ryasohowe kuri uyu wa mbere tariki ya 12 Gicurasi..
Iyi ntambwe igamije kugabanya ibibazo by’ubukungu byari byaratewe n’izamuka ry’imisoro hagati y’ibihugu byombi, byari byarateje igabanuka ry’ubucuruzi, guhungabana kw’isoko mpuzamahanga, no kwiyongera kw’ibiciro ku isoko.
Mu minsi ishize, Amerika yari yarazamuye imisoro ku bicuruzwa biva mu Bushinwa kugeza kuri 145%. Mu kwihimura,u Bushinwa na bwo bwahise buzamura imisoro ku bicuruzwa by’Amerika kugera kuri 125%. Ibi byatumye ibigo byinshi by’ubucuruzi n’abaguzi ku mpande zombi bagira igihombo gikomeye.
Iyi ntambwe nshya itanga icyizere ko ubushyamirane bw’ubucuruzi hagati y’Amerika n’u Bushinwa bushobora kugabanuka, bigafasha ubukungu bw’isi yose kongera kwiyubaka.